牛大人台灣火鍋吃到飽 (形點 II)

营业中

休息中

好耐都無去大飽口腹喇，出去食番餐勁嘅當然係放題啦！呢次就同男友選擇去食質素高又唔貴嘅「牛大人台灣火鍋吃到飽」放肆一下~呢到個火鍋放題選擇真係好多，肉、海鮮、菜、丸、餃、滑、小食、飲品加埋真係想每樣試下都唔夠戰力。 湯底同樣都有好多款，要香辣、重味、養生嘅都有，不過要大吃一番嘅我當然揀「阿嬤養生濃湯鍋」啦，貪佢無咁易飽，哈哈！肉類揀最貴嘅「澳洲極上和牛set」就實無錯，呢個set仲送每人兩粒本身要加錢嘅澳洲M9和牛牛丸，真心正！海鮮方面，蝦夠蝦味，入口彈牙，沙白都大隻新鮮！ 滑、丸、餃同樣掂，選擇多而且質數高！ 台式小食都好豐富，啱晒邊等緊啲野熟嘅時候食！ 最後，甜品除咗有涼粉外，仲有無限任食Dreyer's雪糕，真係好完美！ 雖然跟餐已經有飲品，但係食大大啖靚牛無啤酒又點得呢？呢款蜜桃味白啤入口香甜，解膩又清爽，食住邊爐飲勁舒服，絕對令呢餐加哂分！