影片
更多
2022-06-04
233 浏览
今日約左朋友行旺角，估唔到旺角好多鋪頭都唔同哂。令我好意外係女人街竟然有好多吉位，平時我都會行下，因為會好多得意產品推出順便係巷仔餐廳食野。。最中意係Deli2呢幢大廈食野，多餐廳選擇，又有唔同菜式。今次要食打邊爐，因為朋友仔話自己一個人可以係午餐食20碟牛🤣佢話晚餐食唔到咁多，但午餐可以，所以今次俾個機會佢表演俾我睇原本諗住食午市60分鐘放題，不過太少肉又太少時間。所以都係想食任食牛同食耐啲，佢有4個set選擇，我地就揀左^團^呢個餐$198，因為多牛選擇，反正今次以牛為主，同埋午餐放題都平啲，又可以食2個鐘。首先坐低之前，就要揀湯底，我地揀左藥膳花雕酒雞湯。之後店舖會先上一轉擺得靚靚嘅牛肉，跟住就可以用QR code落牛肉。再出去自助區拎配料同飲品。第一轉嘅牛肉，擺得好靚😂有乾冰墊底又識轉。牛肉上面全部都有個牌仔，次次食放題其實我都唔知係咩肉，隨意點，呢度有埋牌仔，就知係邊款肉，下次直接點中意食嘅肉就得啦。我全部肉都試過一盤，最推介嘅有3款。安格斯牛頸脊，呢款油花好香，唔un，入口即化又有牛味無根！薄薄一片，淥一淥好快食得安格斯牛小排，呢款切得厚啲啲，咬入口重牛味，但都唔會un，澳
最中意係Deli2呢幢大廈食野，多餐廳選擇，又有唔同菜式。今次要食打邊爐，因為朋友仔話自己一個人可以係午餐食20碟牛🤣佢話晚餐食唔到咁多，但午餐可以，所以今次俾個機會佢表演俾我睇
原本諗住食午市60分鐘放題，不過太少肉又太少時間。所以都係想食任食牛同食耐啲，佢有4個set選擇，我地就揀左^團^呢個餐$198，因為多牛選擇，反正今次以牛為主，同埋午餐放題都平啲，又可以食2個鐘。
首先坐低之前，就要揀湯底，我地揀左藥膳花雕酒雞湯。之後店舖會先上一轉擺得靚靚嘅牛肉，跟住就可以用QR code落牛肉。再出去自助區拎配料同飲品。
第一轉嘅牛肉，擺得好靚😂有乾冰墊底又識轉。牛肉上面全部都有個牌仔，次次食放題其實我都唔知係咩肉，隨意點，呢度有埋牌仔，就知係邊款肉，下次直接點中意食嘅肉就得啦。
我全部肉都試過一盤，最推介嘅有3款。
安格斯牛頸脊，呢款油花好香，唔un，入口即化又有牛味無根！薄薄一片，淥一淥好快食得
安格斯牛小排，呢款切得厚啲啲，咬入口重牛味，但都唔會un，
澳洲M5和牛，呢款我最中意，因為切得夠厚又大片！淥熟一大片塞入口，大口食肉就係爽
呢度加湯，真係加湯唔係加水，所以湯底絕對唔會越嚟越淡。仲有，加左湯係會加埋花雕酒㗎！我第一次見會加埋酒！讚👍🏻
另外，放題仲可以點雞子，廣島蠔同串虎蝦。雞子大讚，無臭味，一咬噴汁好新鮮。串蝦唔係普通嘅草蝦，係虎蝦，好大隻啲肉紮實，真係要食多幾隻！！
估唔到，出面自助區都有好特別嘅野食。除咗一般會見到嘅丸，菜類之外。竟然會有大魷魚，羽衣甘藍，冰菜，菜苗仔，蟲草花。呢啲我無見過係放題店會出現。
不過美中不足係無甜品雪糕任食，但係鋪頭會送上一件朱古力慕絲蛋糕。
如果之後餐廳會考慮加埋甜品任食，
咁就真係perfect啦。。
餐廳環境坐得好舒服，座位係兩邊半卡位，自助區係中間。我地12點左右到就唔洗等位，1點鐘開始多客人。呢度員工服務友善，牛肉上得好快手，基本上order左5分鐘左右都有啦。。最後朋友係食唔到20碟嘅，佢一個人食左17碟😂其實我覺得已經超多，應該回哂本啦😎
张贴
