鴻運泰國美食 (已結業)

(1/8/07)人人無帶飯,即興來個A 七人dept lunch。咁好食唔知點觧成日都唔洗等位。因為太熱,而且呢度唔興俾水,每人都order飲品(檸檬梳打、椰青、西瓜汁)。咖哩雞,拌印度薄餅,咖哩與椰槳比例平均,正!尤其薄餅必食,比另叫的蒜香薄餅還要好,蒜香o個隻實dede的。脆蝦餅、豬頸肉、菠蘿飯、炒河粉、蝦醬炒通菜,基本上每次黎都食差唔多既款式,因為太好味喇!炒蘿蔔糕,例外,愈食愈麻麻,「蘿蔔糕」太粉太腍吧。沙de串燒雞&牛,ok唔韌,不過沙de汁太甜了。