富臨皇宮

营业中

休息中

好耐無食大閘蟹，臨住求其搵間食，點知中大伏！兩個人食，一坐底諗住嗌住4隻蟹先，唔夠先再嗌。點知個阿姐黎攞紙，就話4隻夠嗱？我諗阿姐可能怕麻煩，怕我地會嗌幾次，咁最後就嗌左6隻。啲蟹一上，望落都正常，但一開就發現無乜膏。咁都算，成隻蟹無論係啲膏定啲肉都係無味！我係唔知自己食左啲咩！一啲蟹味都無！😥😥😥我只可以係度同阿姐講，啲蟹唔好話4隻，嗌1隻我都嫌多。我食完第1隻係用抽獎嘅心態去食埋剩底嗰幾隻，睇吓會唔會抽到隻好食嘅，點知係無呀！一隻都無呀！😂其他野食好似蟹粉扒豆苗同小米湯嗰啲都只可以話唔難食，係得片皮鴨同紅棗糕入得口。兩位埋單$1137, 食完好似無食過咁，一肚氣。