The Stadium (已結業)

呢間位於觀塘活化工廈美式餐廳，一直系我bucket list 入面一想搵機會去食一次。適逢有事要出觀塘，而觀塘出曬名人山人海，系午飯時間上到去呢間餐廳，難得唔洗等位，感就展開左今次美式西餐體驗。呢間餐廳空間幾大，可以坐到好多枱客人，裝修走美式粗曠豪邁的工業風，牆上掛上籃球衫，座椅多樣化亦度身買入戲院凳，別具特色。餐廳播住西洋潮流樂曲醫同時播放球賽，配搭埋多樣化食物同酒精飲品，適合大群人用餐。回歸翻今次午餐，叫左兩個餐分別系安格斯牛肉漢堡同8安士rib eye 配薯菜。 漢堡分量超級大份，麵包明顯有漢過，牛肉似系有精心手打好重肉汁香味，用料好齊全，有番茄洋蔥生菜煙肉大啡菇跟沙律醬同重口味芝士，非常足料好飽滿。薯條系即炸系粗身個種，熱辣辣好重薯仔香。有特別配搭茄汁同他他醬點薯條，唔會淨系一隻味感悶。沙拉菜有用黑醋調過味，食落口好新鮮。Rib Eye叫左7成熟，燒得幾香口，略微不足系有少少根位難切開。薯菜系蔬菜薯餅跟紅蘿蔔翠玉瓜跟甜粟米。另外有配搭燒烤醬點肉。飲品就叫左凍Americano 同熱寧茶，正常發揮。總結野食唔錯，地方大坐得耐，夜晚氣氛應該更好。可以再戰。