吉壽日本料理 (已結業)

呢間放題既地點好就腳，係正旺角地鐵站出面黎到既時候只係 6點幾，餐廳地方又算大，但店面已經坐滿哂人，好在朋友醒目有book定枱，好快就可以入座店內食物總類都算多，大路既刺身、壽司、手卷、串燒、炸物等都應有盡有。環境同全晚既服務都幾好～我地一坐低即刻點左放題必點既刺身整體黎講質素都算平均，選擇亦不少。除左三文魚、甜蝦同油甘魚呢啲大路既選擇（甜蝦比想像中鮮甜，食左好多！），其他刺身好似角螺，赤貝表現都ok, 可以一試。壽司方面，魚生大大塊蓋過晒成舊飯，唔會好易飽火炙三文魚勁有油香，我地食完都忍唔住要再叫多幾碟！推薦！其他野食同其他放題都差唔多選擇。但係呢間既羊架同鰻魚都比較出色，羊架脂肪同肉既比例唔錯，食落下唔會太膩又有油香。鰻魚就好夠味，又無乜骨，大大件之餘，寫幾多黎足幾多最後就係飲品選擇都幾多，仲有提供熱茶供應。