河內越式料理 (西洋菜南街)

营业中

休息中

呢間越式餐廳嘅越南粉幾抵食，大大碗生牛肉河都係$58。除左粉，呢到仲有飯可以選擇.. 我地平日夜晚去食都坐滿晒人。叫左極品牛三寶河，有牛丸、生牛肉、牛展，一次過可以食到三款餸，食落都幾有牛味，湯底味道好濃郁，係牛骨熬製，加上芽菜、金不換、青檸汁、辣椒，味道好正宗😋👍🏻朋友就叫左香茅豬扒湯河，豬扒即炸，上碟熱辣辣，口感酥脆，亦估唔到會咁大塊，好足料🤤仲可以優惠價追加小食，小食就有7款，我地叫左越式豬頸肉，加埋泰式辣醬更惹味😆飲品選擇都好多花款，跟餐加3蚊有熱飲，我粗地叫特飲就加$10。椰汁三色冰同椰汁紅豆冰都幾好飲，唔會太甜！