DAY22 STEAK

营业中

休息中

成日經開荃灣，見到呢間牛扒餐廳人流不絕，今次終於可以嚟試試！我哋今日六點嚟，好彩唔係咁多人，但六點半之後，好多人入座。餐廳主打石燒牛扒，有唔同部位及份量。見到有個抵食二人套餐，包括12安士封門柳配鵝肝、酥皮蘑菇湯、雞翼、意粉薯條沙律（三選二）、兩杯飲品，非常推介。我哋就試試，食一個豐富嘅晚餐1） 12安士封門柳配鵝肝-厚切封門柳，鵝肝同牛扒好大件，上枱時不會煮熟，自己可以喺石板當中調教熟度。鵝肝油脂感十足，封門柳啖啖肉，自己再調配醬汁、鹽同胡椒，份外美味！😻2）酥皮蘑菇湯-一上枱是熱辣辣,將酥皮浸在蘑菇湯中，軟淋淋，索咗蘑菇湯，好惹味。 蘑菇湯食到粒粒蘑菇。3）花蜜雞翼-雞肉嫩滑，炸得香脆，配上蜜糖，好有焦香感4）薯條同沙律- 波浪型嘅薯條，炸到金黃色，好香脆！沙律好新鮮，食咗咁多肉，可以解膩。