Made in HK Restaurant (已結業)

見到hkplayndine推介呢間港式餐廳嘅火焰豬手就嚟試下，果然非常啱打卡而且符合期望！😍一開始覺得$238一個餐喺旺角區嘅lunch嚟講有啲貴，但其實非常抵食因為夠兩個人食有餘！份豬手夠哂大，配埋黑椒汁非常好食，侍應仲好人見我地兩個女仔切唔開幫我地拎咗入廚房切😂而且跟餐仲有份細沙律/餐湯同甜品。我地揀咗沙律同抹茶雪糕，沙律就細細份普普通通，但抹茶雪糕就好好食同埋唔會太甜！我地仲另外叫多咗一份流心西多士，雖然唔夠流心，但係都夠香口同唔算好膩，我覺得合格有餘架喇！🤤