影片
更多
2016-05-23
452 浏览
今晚喺愉景新城行左陣街，但係又唔想係商場入面嗰啲鋪頭食喎，就行左出去福來邨嗰度搵嘢食。一落天橋要喺海壩街行左冇耐，就見到呢間韓國鋪頭好多人等，應該幾好食，所以就等埋一份，七點半到去到，等到八點就坐得啦。我哋一行四人，就叫左佢哋個四人餐，都係三百零八蚊，但係就有石頭鍋飯，燒牛肋骨，人蔘雞湯呢啲想食嘅菜式。前菜方面，有蓮藕，泡菜，芽菜，青菜，海帶，蕨菜揀。我哋就叫左泡菜，青菜同埋海帶，個泡菜幾好食，酸酸地，唔太辣，十分開胃。海帶就比較細碎，但係食落啲味道就冇乜問題。之後就上咗度泡菜餃子，雖然佢個菜單上面寫有少少辣，但係我就覺得冇乜辣，啱啲唔食辣嘅朋友選擇，餃子皮炸得好脆，配埋酸醋食，可以去咗油炸嘅油膩感，本身以為四人餐應該得四隻餃子，點知佢有八餐，唔會到喉唔到肺，好高性價比！個人蔘雞湯係用鐵碗上嘅，好處係啲湯上枱嗰陣仲熱辣辣，但唔好處係好快就會比冷氣吹凍，一定要趁熱食，個人蔘雞湯好似係韓國食咁足料，裏面有成支人蔘喺度架，佢哋仲好細心配胡椒鹽送雞肉食，因為隻雞都煲左一段時間，就咁食會冇乜味，配埋胡椒鹽就啱啱好啦。燒牛肋骨用鐵板上，都係上枱嘅時候夠熱，但係都凍得好快，牛肋骨肉夠嫩，汁夠甜，略嫌
我哋一行四人，就叫左佢哋個四人餐，都係三百零八蚊，但係就有石頭鍋飯，燒牛肋骨，人蔘雞湯呢啲想食嘅菜式。
前菜方面，有蓮藕，泡菜，芽菜，青菜，海帶，蕨菜揀。我哋就叫左泡菜，青菜同埋海帶，個泡菜幾好食，酸酸地，唔太辣，十分開胃。海帶就比較細碎，但係食落啲味道就冇乜問題。
之後就上咗度泡菜餃子，雖然佢個菜單上面寫有少少辣，但係我就覺得冇乜辣，啱啲唔食辣嘅朋友選擇，餃子皮炸得好脆，配埋酸醋食，可以去咗油炸嘅油膩感，本身以為四人餐應該得四隻餃子，點知佢有八餐，唔會到喉唔到肺，好高性價比！
個人蔘雞湯係用鐵碗上嘅，好處係啲湯上枱嗰陣仲熱辣辣，但唔好處係好快就會比冷氣吹凍，一定要趁熱食，個人蔘雞湯好似係韓國食咁足料，裏面有成支人蔘喺度架，佢哋仲好細心配胡椒鹽送雞肉食，因為隻雞都煲左一段時間，就咁食會冇乜味，配埋胡椒鹽就啱啱好啦。
燒牛肋骨用鐵板上，都係上枱嘅時候夠熱，但係都凍得好快，牛肋骨肉夠嫩，汁夠甜，略嫌有少少肥，侍應上菜嗰陣好好服務態度咁幫我地係櫃桶拎左刀叉(放得係櫃桶就應該係食客自己拎，街坊生意仔唔通要求酒店服務咩)。
海鮮煎餅都幾大粉，食得出裏面有多魷魚，唔會過老，彈牙爽口，粉團唔厚，食落煙煙韌韌！
雞肉石頭鍋飯個醬係分開俾你嘅，因為我妹妹唔食辣嘅關係，我覺得呢一個上法好貼心，咁樣我妹妹就可以試下個石頭鍋啦，有翠玉瓜做配料係個驚喜位，雞肉份量較多，雞肉唔鞋。
除此以外，我哋以為個套餐嘅份量唔太多，驚唔夠食，所以我哋叫多左份紫菜包飯同埋蚊牛肋骨煲，點知原來個套餐已經好夠食。紫菜包飯＄28
正常嘅材料都係蘿蔔絲青菜火腿咁，特別在佢豉油俾你，似食緊日本壽司，但係我都係鍾意就咁食唔甜豉油。
炆牛肋骨煲＄96
雖然係牛肋骨，但係質感就似牛腩瘦肉，炆過既牛腩湯非常鮮味，配埋韓國特有嘅嗰種甜甜地嘅味道，送飯一流。蘿蔔炆得夠腍，但係苦定甜就睇彩數啦。另外果報仲有紅蘿蔔同埋冬菇，有冬菇果下真係估你唔到，真係夠晒多材料。
個套餐仲送四杯嘢飲，我哋都係嗌咗普通大路嘅柚子茶蔘茶同埋紅棗茶，但係阿妹就加＄20叫左個朱古力沙冰。佢飲得好滋味，我飲落就覺得似凍朱古力，仲好鬼甜添。
係食緊嘅呢個靚鐘頭裏面，出面一直都有人等位，成個場都好墟hum，仲見到好多其他枱都係食佢哋嘅部隊火鍋，我見到仲有芝士同出前一丁，好後悔冇嗌一個，但係已經飽到頂住個肚啦，唯有下次先過嚟再試啦。
张贴
