影片
更多
2022-07-02
40 浏览
呢間餐廳地方唔大，用QR code落單，好快就有得食！餐廳嘅裝修都好有特色，好有馬來西亞懷舊風味，仲有好多幅得意嘅掛畫介紹佢啲菜式。肉骨茶可以無限添飲，但今次冇試到，整體食物質素幾好，份量夠大又唔貴，好抵食！------------------------------🐓◖怡保芽菜雞◗ $68係店員強力推薦嘅招牌菜，雞肉採用上等雞肉，下面放咗啲芽菜，雞肉一啲都唔鞋，勁juicy嫩滑！啲雞好有肉味好鮮甜冇雪味，就算唔點醬食都得，啲芽菜亦索滿曬雞肉汁！飯底可以揀黃薑飯或者珍珠米，今次揀咗黃薑飯，但啲飯略嫌濕咗少少。🦐◖娘惹叻沙◗ $68叻沙湯底幾濃，微辣，有豆卜、扎肉、蝦、蜆同半隻蛋等等嘅配料，啲油麵彈牙，入味索湯！🍢◖馬拉沙嗲串燒 - 豬/牛/雞◗ $45叫咗豬/牛/雞各一，佢會直接幫你淋埋沙嗲醬上串燒面，沙嗲醬嘅花生味好濃，食落甜甜地好惹味！串燒唔會好乾，食落肉質口感亦唔會太硬太鞋！🥪◖南洋鮮油燒麵包◗ $34呢碟好特別，食緊嘅時候都有幾枱客問店員我地呢碟係咩黎，係必點小食！平時食開用白麵包烘嘅咖央多士，燒麵包係用啡色嘅麵包，食落比普通白麵包烘出黎更加香脆！中間夾咗厚厚嘅嘅牛油同咖央醬，
------------------------------
🐓◖怡保芽菜雞◗ $68係店員強力推薦嘅招牌菜，雞肉採用上等雞肉，下面放咗啲芽菜，雞肉一啲都唔鞋，勁juicy嫩滑！啲雞好有肉味好鮮甜冇雪味，就算唔點醬食都得，啲芽菜亦索滿曬雞肉汁！飯底可以揀黃薑飯或者珍珠米，今次揀咗黃薑飯，但啲飯略嫌濕咗少少。
🦐◖娘惹叻沙◗ $68
叻沙湯底幾濃，微辣，有豆卜、扎肉、蝦、蜆同半隻蛋等等嘅配料，啲油麵彈牙，入味索湯！
🍢◖馬拉沙嗲串燒 - 豬/牛/雞◗ $45
叫咗豬/牛/雞各一，佢會直接幫你淋埋沙嗲醬上串燒面，沙嗲醬嘅花生味好濃，食落甜甜地好惹味！串燒唔會好乾，食落肉質口感亦唔會太硬太鞋！
🥪◖南洋鮮油燒麵包◗ $34
呢碟好特別，食緊嘅時候都有幾枱客問店員我地呢碟係咩黎，係必點小食！平時食開用白麵包烘嘅咖央多士，燒麵包係用啡色嘅麵包，食落比普通白麵包烘出黎更加香脆！中間夾咗厚厚嘅嘅牛油同咖央醬，好香好甜好脆！
☕️◖馬來西亞拉茶（熱）◗ $18
同港式奶茶差唔多味，拉得好多泡沫，飲落口感好滑微甜唔會苦澀，唔加糖就咁飲都好OK！
☕️◖怡保白咖啡（熱）◗ $18
Encore指數：8.5/10
张贴
