Cafe de Tiffany (已結業)

好耐冇据扒啦！今日即興同老婆去聯和墟的Cafe de Tiffany 据扒。餐牌有馬來咖喱套餐、小食、意粉、焗飯，鐵板晚餐，除了單點，另外有鐵板二人晚餐，只係$248，真心抵食，而且份量夠大份鐵板二人晚餐有餐包、忌廉湯、選兩款扒、雪糕、飲品。黑糖包&忌廉湯黑糖包味突出，食落啖啖黑糖味。歐陸式雜扒配蒜茸汁有牛扒、豬扒、雞扒、火腿、煙肉、法蘭克福腸，好有驚喜份量好大份，D扒好厚身，豬肉軟腍入味，而雞扒亦好嫩滑，底下亦大量薯條和粟米，薯條要未淋汁個陣食先會脆。紐西蘭肉眼扒配燒汁嘩，份扒仲大個隻手，而且仲要好厚身，肉眼扒點了5成熟，煎得剛剛好，不會柴口，而且還保留到肉汁，食完成個餐真係好飽檸檬茶&咖啡&雪糕