金滿都越南餐廳 (已結業)

睇餐牌見佢有每日精選嘅set餐，好似都幾抵叫，本身平咗之餘，加少少錢仲有嘢飲。一嚟就一人一個椰青先唔係講笑！超級清甜！自己叫咗個海南雞飯，啲飯好香嘅雞油味！啲雞都好鮮嫩，食到停唔到口！朋友再叫咗個豬扒撈檬，豬扒炸得好鬆化，檬粉嘅份量都好多，撈檬粉個醋唔夠仲可以不停添！小食就叫咗串燒拼盤，我哋叫咗沙嗲牛肉同雞肉。啲沙嗲汁燒得好入味，因為太好食，食食吓會發現啲沙嗲汁唔夠點啲肉都整得唔錯㗎，食個陣唔會話黐住支竹籤。甜品叫咗個椰汁粟米黑糯米，唔會話甜到漏，為呢一餐畫上完美句號