影片
更多
2020-12-20
101 浏览
The Lohas呢個商場都已經開幕左幾個月，評價有好有壞，一路都未過黎參觀下。今日難得有時間，又諗唔到可以去邊，就去下呢個新商場啦。其實我每次去旅行嘅主要行程都係食野，所以喺香港都唔例外，所謂嘅參觀新商場，其實都係去睇下有咩餐廳可以食。呢排好似都好少食泰國野，見到呢間餐廳叫亞泰，朋友話覺得個名讀出黎好似叫緊一個識嘅人名咁，佢覺得好搞笑，所以我地就決定食呢間啦。我地見lunch set都幾抵食，但因為主餐牌嘅野食對我地黎講更吸引，所以最後我地每人叫左一個主食、一個小食同埋一份甜品。見到有龍蝦湯河，好吸引，本身諗住叫，但諗起我前日先食完龍蝦，所以最後揀左雜錦船河。🍜火車頭雜錦船河（走青）$78船河入面有肥牛、扎肉、貢丸、豆卜、泰式餃子，都幾多材料，好豐富。河粉有好多，食得好飽。湯底係船麵嘅湯底，有少少甜甜地咁。🍛蝦頭油海鮮炒飯 $78有幾隻蝦同埋魷魚。炒飯入面見到好多好多紅色嘅細細粒嘅蝦頭，所以個炒飯都幾香，份量又係好大。🥬馬拉盞炒椰菜苗 $68炒得好香，椰菜苗同馬拉盞真係好夾。雖然會有少少鹹，但呢個菜配埋個蝦頭油海鮮炒飯好夾，好送個炒飯，我不停一啖又一啖咁係咁食，好食。🦐泰式炸蝦餅（四
其實我每次去旅行嘅主要行程都係食野，所以喺香港都唔例外，所謂嘅參觀新商場，其實都係去睇下有咩餐廳可以食。
呢排好似都好少食泰國野，見到呢間餐廳叫亞泰，朋友話覺得個名讀出黎好似叫緊一個識嘅人名咁，佢覺得好搞笑，所以我地就決定食呢間啦。
我地見lunch set都幾抵食，但因為主餐牌嘅野食對我地黎講更吸引，所以最後我地每人叫左一個主食、一個小食同埋一份甜品。
見到有龍蝦湯河，好吸引，本身諗住叫，但諗起我前日先食完龍蝦，所以最後揀左雜錦船河。
🍜火車頭雜錦船河（走青）$78
船河入面有肥牛、扎肉、貢丸、豆卜、泰式餃子，都幾多材料，好豐富。河粉有好多，食得好飽。湯底係船麵嘅湯底，有少少甜甜地咁。
🍛蝦頭油海鮮炒飯 $78
有幾隻蝦同埋魷魚。炒飯入面見到好多好多紅色嘅細細粒嘅蝦頭，所以個炒飯都幾香，份量又係好大。
🥬馬拉盞炒椰菜苗 $68
炒得好香，椰菜苗同馬拉盞真係好夾。雖然會有少少鹹，但呢個菜配埋個蝦頭油海鮮炒飯好夾，好送個炒飯，我不停一啖又一啖咁係咁食，好食。
🦐泰式炸蝦餅（四件）$48
蝦餅大大件，好厚肉，炸粉又唔會過厚，蝦肉好彈牙，點埋醬汁好食。
🥭芒果白糯米飯 $55
糯米飯係心型架！第一次見，都幾靚。可以自己加椰汁，控制甜度。糯米飯好大份，芒果又唔少，兩個人食其實都幾多。糯米飯煮得好黏，軟硬度啱啱好，芒果甜甜地，幾好食。
🍰椰汁千層糕（四件）$35
甜甜地都幾好食，睇得出入面有好多層。食到椰汁味，口感幾彈牙。同埋呢隻綠色都幾靚。
呢間泰國餐廳我地一點黎到嗰陣已經要等左幾張檯先有得食。到兩點幾食完嗰陣，都見到門口仲有人等緊位，一路都幾多人食。可能因為真係幾抵食，每碟都大大份，味道又唔錯咁。聽店員講原來係有泰國師傅煮野食，難怪啲食物都幾好食。
最後我地食到好飽，因為份量真係好足，可能下次可以叫少幾樣野食。
张贴
