新記煲仔雞粥 (已結業)

這間位於元朗十分出名的新記煲仔雞粥，有名你叫雞粥，一定要食啦！貴妃雞粥一入口充滿了雞油香味，雞肉嫩滑，而且份量十足，有差不多七八件雞，多得誇張，粥底綿滑，足二人份量。蠔仔牛肉粥相對地比較失色，蠔仔脹卜卜又唔腥，牛肉絲就比較有咬口，但粥底卻不及雞粥好味。油條一條等於出面既一條半，十分香脆，放到最後都依然脆口。香脆炸大腸這裏的炸物都很出色，炸大腸入味之餘炸得外脆有咬口。蒜泥汁脆皮豆腐豆腐是用了硬身豆腐，雖然脆口但比較鞋，同蒜泥汁非常夾。鮮蝦腸粉腸粉比較厚，蝦仁新鮮爽口大隻，腸粉略嫌不夠滑。兩個人食左咁多野都係二百蚊，絕對係抵食之選。