LM Cafe (已結業)

今日同男友去觀塘食晚飯，呢間LM cafe 好多人食又見咁平，應該吾錯丫。入面地方算大，四四方方一眼睇晒，不過都坐滿人。menu都好多野食，不過都茶餐廳茶單咁，有常餐，另外仲有鐵板扒餐同甜品，所以都幾多元化。我點了韓式鐵板鹽酥雞蟹柳芝士汁辛辣面，先50蚊咋。不過要等一等，一上碟鐵板好熱，店員很好，會嗌我地小心，另外一提，我擔心會好辣，所以話左想吾辣，真係吾辣上碟，好好丫，雞係即嗌即炸，熱辣辣好香口惹味，芝士汁好多，少少咸，同辛辣面都好甲，份量適中，大食嘅我都岩岩好。飲品嗌左龍鳳檸樂，先加6蚊又係勁平，即係加左咸檸同檸檬嘅可樂，大大杯，超爽，好飲丫。整體都非常吾錯，價錢超值，下次又再去先。