泰好記

平民價錢大大碟，味道質素不錯👍🏻

食泰國菜必須要點生蝦，隻隻都肥美大舊，加上泰式辣汁非常惹味。

炭燒豬頸肉燒得啱啱好，完全唔會乾啖啖肉👍🏻

咖喱軟殼蟹配蒜蓉包簡直一絕，咖喱汁非常濃郁，軟殼蟹仲係脆卜卜，唔食辣嘅朋友都唔使怕，因為只係微微微微微辣👍🏻

冬陰功椰子海鮮湯，酸辣椰香，非常多海鮮，配埋雜菌，好飲💕微度小辣。

不得不提芒果沙冰，鮮甜芒果打冰，消暑油膩，唔會死甜。

芒果糯米飯都唔使多講㗎啦，一定要食，另外斑斕三色糕係我最愛，食甜品果然係另一個胃😆

兩個女仔都食到咁多嘢，就知有幾好食啦👍🏻🤣