餓媽家姐 (已搬遷) 新店位置

厚福街不嬲都多野食， 無論係輕食，正食定甜品手搖都一應俱全呢排多係尖沙咀果邊做野，午膳時間餐廳好多都人頭湧湧，所以都發掘緊一d外賣店呢間餓媽家姐雖然唔係食omakase但你想食light d又得，heavy d都得，好多唔同既選擇，仲跟得上barbie既潮流本身諗住食漢堡，但佢賣晒，見佢有個應該係新野既bagel漢堡，就嗌左啦其實我之前未試過bagel漢堡架我嗌左啡菇月見果個另外仲嗌左魷魚鬚，等緊bagel期間忍唔住偷食左個包裝盒其實都好細心，可以透氣咁就唔怕焗到淋啦層炸衣唔厚，有少少海苔味，更加香口同埋好酥脆，好惹味，但又唔會太搶魷魚嘅鮮味個bagel漢堡好有誠意， 仲要個冬甩圈圈住個蛋黃好搞笑個bagel帶煙韌， 加上微微烘過仲有牛油香一層流心蛋，一層炒蛋，蕃茄再加埋沙律菜好厚好大份下咬咬下個炒蛋就見到有啲啡菇粒雖然佢冇醬汁， 食落可能帶少少乾，但原來個炒蛋裡面仲有驚喜，有芝士係裡面幾十蚊既lunch,如果係餐廳食起碼百幾蚊其實佢仲有個推薦榜下次要再試下腸粉同burger不過佢都屬於家庭式經營既小店，所以都要耐心等候，即叫即整架嘛