麻辣派對 (金百利廣場) (已結業)

我同朋友都好鐘意食麻辣野，呢間餐廳又有得食乾鍋又有得食酸菜魚/水煮魚，仲要有好多料比你揀，真係岩晒我呢啲咩都想食既人。環境都算寬躺，都坐得幾舒服。但枱就細左啲，我哋兩個人，一人叫一個鍋，就唔係好夠位。佢啲鍋係咩配料都可以揀，而且價錢好相宜，咁抵食我哋加料都唔手軟，每個鍋都加左幾個配料🤣🤣🤣🤣🤣乾鍋配椰菜花係最正！仲點左金針菇。味道好好，不過乾鍋就濕左啲，唔夠乾身。酸菜魚都幾好食，無魚骨，不過魚就唔算好滑整體黎講係超級抵食。我地貪心叫大個鍋食唔晒每人都係300左右。