上海真真豆漿大王 (已結業)

久唔久都會有鋪癮想食粢飯經過呢一間豆漿大王見到出邊有勁多人等緊外賣應該食物質素有返咁上下咁就入咗去堂食 好彩唔使等位叫咗一個粢飯，熱豆漿，油豆腐配上海排骨米線，炸上海雲吞同埋一隻茶葉蛋栥飯就$22一大個，好抵食有一個姐姐係負責即包栥飯，所以成個粢飯係熱辣辣，入邊嘅油炸鬼亦都係非常之香脆肉鬆同埋榨菜份量都唔少，一個人食一個完全可以係一餐飯嘅份量由於我叫佢切一半上，所以中間有啲膠袋上海炸雲吞好好食，入面菜同肉嘅比例各一半油豆腐嘅中間釀咗一啲好似牛肉嘅肉好特別差上海排骨非常之薄而且香口唔會太鹹，小朋友就咁咬都咬到總括而言，呢間餐廳都幾好食下次可以再食