乜嘜雞蛋仔 (已結業)

放假晏左起身，就落街買啲嘢食。依間小食店係新開嫁，今日就食佢啦！新開張有優惠。因為太肚餓既關係，所以叫左好幾樣野食。店員好親切甘介紹左個竹炭雞蛋仔同宇治抹茶格仔餅。兩款一啲都吾馬虎，每粒雞蛋仔入面都係full既，吾似有啲店入面係空心甘。竹炭好特別，雖然吾係話會有啲咩竹炭味，芝士依款有啲咸香味，仲有雞蛋香味，吾太甜吾會膩。格仔餅既抹茶味好岀，仲有滿滿嘅紅豆粒。另外我仲叫左咖哩魚蛋，比較辣。腸粉拼魚蛋燒賣，個沙爹醬係佢地自家製，好濃郁，有少少辣，但好上癮。個腸粉份量好多，抵食！