平民扒房@友蠔食 (已搬遷) 新店位置

今晚同老婆及朋友去睇戲，買了九點場，趁有時間就過了去食個晚飯，女人街就大把野食手，而這間以食扒為主的標榜平民價真係要一試啦。一人點了一個晚餐，百幾二百蚊，唔算貴。甜酸胡麻醬冷蕃茄：蕃茄去皮後淋上胡麻醬，蕃茄多汁且甜，加上酸酸甜甜的胡麻醬，是一道簡單又清爽的小食。白汁蘑菇芝士焗蠔2隻：焗蠔表面舖滿了芝士，所以蠔肉沾滿了芝士香味，十分惹味。番茄什菜湯：酸酸甜甜，有很多的薯仔、番茄、洋葱及西芹。幾份套餐一起放在鐵板上，方便大家share。自家葱油汁香煎雞扒配雜菌：以茄子及雜菌墊底，吸收了雞扒的油脂香味，雞扒肉質幾嫩滑，味道不錯。188秘製洋葱汁俊男牛扒配炸薯條：牛扒兩大塊十分足料，表面煎至有焦香，有牛油香味，炸薯條香脆。最後飲埋杯餐飲，非常滿足的一餐。