老掌櫃東北菜館 (富達廣場)

营业中

休息中

係元朗想食北京填鴨，除左酒樓，就諗起呢度。除左鴨，仲想試松子魚，草捆羊骨。可惜人少，試唔到咁多樣，唯有下次。🥟白菜豬肉餃子(10隻)東北餃子厚皮，肉多菜少，肉餡鬆化，有肉汁。🦆北京填鴨(半隻)北京填鴨，皮脆肉嫩。半隻配20塊摩摩皮，可以一件肉一塊皮，啖啖口，配上京蔥，好味。🐷鍋包肉即係咕嚕豬扒，目測有十件，真係大件夾抵食。豬扒沾上脆漿炸得香脆，配上甜酸咕嚕汁，好開胃。🥬清炒萵筍喜歡萵筍清甜爽脆。🥮高力豆沙即叫即炸，可以叫起，食飽飽再嘆個中式甜品，外皮軟熟，甜度適中。💬大件夾抵食，味道好，唔收加一。