影片
更多
2021-11-02
17 浏览
做完運動勁肚餓，就決定周圍去覓食。見到呢間越南野好似幾抵食，所以就入咗去啦！果然，唔止抵食，仲要係大件夾抵食！😂雖然裝修非常簡陋，但亦都唔阻礙我對佢嘅印象。火五火車頭牛肉粉 $62食越南野又點少得火車頭呢！乜都有齊晒都淨係$62咋，真係非常之抵食。湯底就係普通嘅牛腩湯，相對有少少淡，但就唔太鹹，唔會話非常味精，鍾意走極健康路線嘅就啱，但個人就想食濃味少少。材料方面，最值得一讚就係粒牛丸！真係非常之重牛味，而且非常彈牙，成碗野最好食就係呢三粒野啦！🤣然後我轉左檬粉，係後悔的😂明明食河粉咪好好地，轉左檬粉之後係冇咗嗰個feel! 所以建議大家都係食返河粉啦～越式魚翅花膠雞湯河 $59超級有驚喜！雖然啲配料非常高級，但$59就可以食到大大碗啦！入邊真係有花膠同魚翅，冇花冇假仲要唔少。雞湯味好濃，同時亦都唔膩，就咁飲都覺得正！另外啲雞都好滑，份量更加唔少。成碗河粉超大碗，最後係食唔晒🥲但就算食咗咁多都毫無罪惡感，因為湯好清甜，感覺很健康👍🏻本人建議食哩過多過火車頭啦。手作大蝦米子卷 $38哩次係我人生第一次食米紙卷😂竟然覺得幾好食！本人好憎食生嘅菜，但呢個米紙卷完全冇草青味！一開頭就咁食會覺得
火五火車頭牛肉粉 $62
食越南野又點少得火車頭呢！乜都有齊晒都淨係$62咋，真係非常之抵食。湯底就係普通嘅牛腩湯，相對有少少淡，但就唔太鹹，唔會話非常味精，鍾意走極健康路線嘅就啱，但個人就想食濃味少少。材料方面，最值得一讚就係粒牛丸！真係非常之重牛味，而且非常彈牙，成碗野最好食就係呢三粒野啦！🤣然後我轉左檬粉，係後悔的😂明明食河粉咪好好地，轉左檬粉之後係冇咗嗰個feel! 所以建議大家都係食返河粉啦～
越式魚翅花膠雞湯河 $59
超級有驚喜！雖然啲配料非常高級，但$59就可以食到大大碗啦！入邊真係有花膠同魚翅，冇花冇假仲要唔少。雞湯味好濃，同時亦都唔膩，就咁飲都覺得正！另外啲雞都好滑，份量更加唔少。成碗河粉超大碗，最後係食唔晒🥲但就算食咗咁多都毫無罪惡感，因為湯好清甜，感覺很健康👍🏻本人建議食哩過多過火車頭啦。
手作大蝦米子卷 $38
哩次係我人生第一次食米紙卷😂竟然覺得幾好食！本人好憎食生嘅菜，但呢個米紙卷完全冇草青味！一開頭就咁食會覺得冇味，唔太好食，但同時又唔想點佢嘅泰式辣醬（本人完全唔食得辣+走健康路線），最後係選擇咗點囉碗麵個湯度，成件事即刻好食咗好多！重點係米子卷入面隻蝦真係好大！而且仲要爽口添。
凍越南三色冰 $19
食呢啲比較濃味嘅嘢，梗係要嗌返杯嘢飲啦，仲要係有越式風味嘅～一開頭係呢個好驚好甜，但飲落完全冇！真係超級好飲！椰香味好重，同時亦都唔會話好甜，配埋三色啫喱嘅口感，幾特別。重點嘅係， $19已經有咁大杯，相比起出邊飲嘅手搖，真係非常之抵！而且呢杯係飲幾多杯都唔會有罪惡感，因為佢唔會好甜。大推！！！！
白桃紅茶 $19
由於好擔心杯三色冰會好伏，所以我哋嗌左另一杯貼地啲嘅。茶味唔龍，但反而滿滿嘅白桃味。白桃非常清甜，亦都真係有粒粒果肉。一開頭飲落去覺得太甜，但其實杯野係冇落糖㗎，一切嘅甜味都係來自於白桃！好fresh！但建議飲三色冰多過哩個白桃茶。
總括而言，佐敦區大件夾抵食！質素亦都不俗，特別推介飲品越南三色冰🤣希望下次有機會再嚟試吓佢其他嘢食！
张贴
