都市樂 (已結業)

啱啱行完黃埔新天地，周圍搵食，穿過橫街窄巷，搵到一間韓式料理餐廳。餐廳雖小但五臟俱全，我哋嗌咗辣醬豬肉飯，同埋一個醬汁牛肉飯，另外嗌咗個炒粉絲。呢間餐廳好啱兩口子或者一家人嚟開飯，辣醬豬肉飯個汁調得恰到好處，唔會太辣，送飯一流，餐廳同事話如果唔夠飯仲可以添飯添，食到飽為止。另外醬汁炒牛肉就係俾我小朋友食嘅，牛肉嘅份量都非常之多，炒粉絲呢都非常之正宗，好香麻油味。另外d配菜都好多款式，俾我哋任君選擇，仲可以無限添加。呢度又係成為咗我哋另一個飯堂。