越式PHO車頭

屋企附近開左間新越式餐廳越式PHO車頭，鐘意食越南菜既我一定要試下。


我同朋友兩個叫左火車頭、春卷撈檬、牛油雞翼同沙嗲串燒。


招牌火車頭份量大，基本既牛丸、牛腩、牛筋、牛柏葉、蘿蔔都有齊。牛骨湯鮮甜濃香，連湯都比我地飲哂。


春卷撈檬份量又係好多，春卷炸得酥脆金黃
檬粉配埋魚露汁，感覺加添幾分清新。


牛油雞翼香口入味，炸得岩岩好，仲保持到肉汁，岩哂重口味既我。


沙嗲串燒牛肉大大舊，而且肉質鮮嫩，配埋充滿花生粒既沙嗲醬簡直一絕。