老掌櫃東北菜館 (利奧坊)

营业中

休息中

為食嘅我又去覓食啦，今次嚟到大角咀呢一間老掌櫃餐廳，主要食北京填鴨！先講一講餐廳嘅環境，坐得非常闊落，我就坐咗係一個隱蔽嘅卡位啦！而且店員隨即送上一壺熱茶，俾我哋沖洗餐具之用 。填鴨有得揀半份或者全份，當晚我只係揀咗半份（想食多啲唔同菜式呀嘛)。填鴨厚切，而且都幾有肉汁。填鴨配上包住嗰塊皮，有薄有厚，好明顯係全人手製作，不過記住趁熱食，因為凍咗嘅時候啲皮會黐住，而且口感冇咁冧，稍為硬身左！仲有配上嘅青瓜絲同蔥絲略嫌份量可以多啲。