聚好味 (已結業)

放工同朋友去了油麻地砵蘭食小菜，這間聚好味有多款小菜供應，價錢亦都是$6-70起，而且份量十足。

青芥萵筍一口牛
牛柳粒泡油至七成熟，中間還帶點粉色，所以肉質嫩腍亦唔會過乾，平時多數配薯仔，但這個餸則配萵筍，食落無咁飽滯且又點清爽。

黃金蝦仁
咸蛋黃加上燕麥碎拌勻，蝦仁炸至金黃香脆，蝦肉彈牙，燕麥更令整體有咬口。

涼瓜炆䱽魚
䱽魚煎至金黃香脆後再加豉汁炆一炆，䱽魚皮仍帶脆口，魚肉結實雪白，肉質鮮甜不鬆散，加上涼瓜的獨特苦香，非常有鑊氣。

瑤柱扒花蘭花
表面舖滿了瑤柱，西蘭花色澤翠綠爽口，簡單又健康。