Mokumoku Yakiton (永光商業大廈)

同朋友聚會，一個話想去銅鑼灣買野，另一個要食日本串燒，我又想坐得舒服方便傾計，就決定去前排同事食完勁推介的Mokumoku Yakiton 。店內裝修好有日式居酒屋feel，燈光偏暖，氣氛好放鬆，啱晒同朋友坐低傾計慢慢食。
我哋叫咗幾款串燒，當中有幾款真係幾啱口。


蒜芯豬肉卷和豚肉鵪鶉蛋卷，超級好味。蒜芯豬肉卷外面微焦，入面的蒜芯好爽好juicy，好惹味。而豚肉鵪鶉蛋卷一樣外面香口，鵪鶉蛋軟腍腍，食落有糖心蛋嘅感覺，熟度啱啱好❤️


食完又再叫二度encore 係用上西班牙黑豚肉的串燒，最愛的有肩肉串、豬頸肉、夾心肉和豬肋骨。簡單調味帶出香濃的肉味，咬落去有肉汁，大大串，食完都要encore。


燒生蠔，大大隻脹卜卜，好鮮甜，帶點海水嘅鹹味，食落好清新好creamy。


整體黎講，呢度嘅串燒同小食質素都唔錯，食材新鮮，燒得剛剛好，係一個舒服嘅地方同朋友聚餐。