火山燒 (已結業)

日本野係我嘅大愛，無論係壽司、刺身、壽喜燒定係鰻魚飯。普通嘅日式放題就食得多，串燒都有得放題就真係第一次呀。睇見喱間嘅評價咁好，可謂人氣旺盛呀！我食9點嗰個時段，$298一位，任飲另加$20位 (一定加啦)，計落唔算好貴喎又。 食物選擇有7個大類，前菜、牛肉、豬肉、雞肉、海鮮、野菜同另類。數埋有7,80種食材，多到眼花繚亂呢😻，另加嘅飲品都有成10款選擇。 爐火使用岩燒石發熱，配上強力的抽氣系統，用餐時唔會覺得好熱同好油，食完就唔洗擔心啲衫吸哂味啦。 喱度可以話係食肉獸嘅天堂 (本人😹)，整體來說食物處理得不錯，一來乾淨，二來新鮮。因為係自助燒和自己調味的，所以材料的新鮮度就很重要。 特別推介，牛仔肉、雛雞、燒生蠔、糯米雞肉棒。烹調時配合枱上的燒汁、辣汁、蜜糖和海鹽，提升食物的風味😋。