荳子 (海壩街) (已結業)

今晚約咗朋友帶同佢哋嘅小朋友晚飯後去食甜品， 平時呢間Beans經常都要排長龍，剛好今晚去到有位。焦糖吉士窩夫， 賣相好靚，有香蕉加上糖漿，入口甜甜地！雲呢拿雪糕，軟滑到適中，奶味十分濃郁！呢個窩夫唔同一般格仔餅而係外形似一個冬甩， 小朋友見到 十分雀躍！Apple crumble 有微微嘅蘋果酸味，酸酸甜甜除咗雪糕裏面仲有用麵包焗成嘅脆脆，脆脆同蘋果嘅比例 恰到好處！最後出場嘅係芝士流心綠茶撻，出場已經好有氣勢 乾冰冒出白煙， 小朋友一見到即刻呱呱大叫！ 呢度嘅食物除咗有水準之外，花心思嘅造型亦令大人細路都喜歡。