真妮 (已結業)

行過路過，比呢間七彩繽紛嘅鋪吸睛🤣，見到呢間小鋪除左有10多款漢堡可以揀，仲有pizza 及蛋包飯，又有焗飯、小食適合唔同人嘅喜好。🌟煙肉蛋，牛肉漢堡🌟麵包外層烘熱過，非常香脆，流心蛋黃😋有2塊長長嘅煙肉對接完之後放在牛堡上，唔會太乾身，十分juicy ，手打牛肉上面鋪滿左滿滿嘅芝士，手打牛堡夠厚身，肉質鬆軟有牛肉香，底層加左生菜，蕃茄片，用料非常豐富，份量驚人😋😋😋🌟黑蒜牛肉漢堡🌟麵包外層一樣有熱辣辣嘅脆口麵包，餡料方便，手打牛堡同樣厚身，牛肉爆汁香口，黑蒜醬汁酸酸甜甜帶少少辣味，滿滿嘅洋蔥絲，搭配蔬菜中和返，冇咁油膩。🌟自家製炸雞🌟小食方面，價錢比較平，方便可以試多幾樣唔同口味👍👍炸雞嫩口肉滑，外表炸至金黃鬆脆😋🌟蜜糖雞翼🌟即叫即刻整，所以時間要耐啲，雞翼一啲雪藏味都冇，食落有香濃嘅蜜糖味🤤🌟荔枝益力多、百香果益力多🌟好香嘅荔枝、益力多味；百香果氣味清香，酸酸甜甜👍