麻辣派對 (瑞生酒店) (已結業)

去尖沙咀做完facial去咗附近嘅麻辣派對過下辣癮 呢度裝修好夢幻咕嚕肉 雖然呢度係出名食麻辣 但係其實呢度嘅咕嚕肉係超好味 脆卜卜新鮮炸起 啲肉又爽口仲有d肉質唔會乾柴 個咕嚕汁酸酸甜甜味道啱啱好 配飯一流乾扁鹹肉椰菜花 呢個差唔多係我哋每次必點之選 貪佢有鹹肉辣辣地香口之餘 又有啲炒得好香嘅椰菜花五香牛腩小麵 牛腩同埋麵既分量都幾大 牛腩有啲幾舊連埋筋位脂肪位好軟淋 亦有幾嚿係齋肉會比較結實有咬口 兩種唔同嘅口感 小麵湯底辣辣地 麵質都算唔錯 浸耐咗都唔會好糊一pat嘢另外店員仲送咗綠豆沙畀我哋食添