影片
更多
2017-08-02
329 浏览
ENOS Space Station 太空餐厅cafe无意中发现呢间主题餐厅，装修同侍应制服好有型，食物名就有d得意，而且食物质素几高，一直念念不忘。今日黎附近买宠物用品，特登过黎帮衬。先黎既系松露温泉蛋意粉($88)，意粉煮得好烟靭爽口，松露汁同蛋都好香浓，可惜份量偏少，一个人食晒都唔会够饱。跟住有处女座饮品奶盖红茶($42)，其实有小小贵，觉得同$25一杯台湾饮品差不多，好彩茶同奶都系好味既，上面既棉花糖同d奶几夹。太空队长早餐($108)想试好耐，个名好得意，食物既组合好吸引，仲要样样都好食。粗薯条系Mos Burger个种，炸得唔系好劲、个皮好薄小小脆、入面就似焗薯，好似无咁热气。松露炒蛋我地两个系第一次食，觉得普通好味啦，唔太突出。烟三鱼同磨菇都好有质素，磨菇系成碟野当中香味最浓最突出。重点系两只虎虾同个窝夫棒，虎虾好多好多虾膏，好夸张，虾肉又大只又鲜甜，令人啜指回味。穿梭机窝夫棒就继续咁香甜松化，不过食食下觉得争左d乜。。。原来仲争一份果酱，反正唔够饱，点多一份窝夫棒连一款果酱($38)，㨂左玫瑰果酱，有酱点好味好多。其实食完两个人都未饱得晒，不过人地够钟打烊了，下次都系点
无意中发现呢间主题餐厅，装修同侍应制服好有型，食物名就有d得意，而且食物质素几高，一直念念不忘。今日黎附近买宠物用品，特登过黎帮衬。
先黎既系松露温泉蛋意粉($88)，意粉煮得好烟靭爽口，松露汁同蛋都好香浓，可惜份量偏少，一个人食晒都唔会够饱。
跟住有处女座饮品奶盖红茶($42)，其实有小小贵，觉得同$25一杯台湾饮品差不多，好彩茶同奶都系好味既，上面既棉花糖同d奶几夹。
太空队长早餐($108)想试好耐，个名好得意，食物既组合好吸引，仲要样样都好食。粗薯条系Mos Burger个种，炸得唔系好劲、个皮好薄小小脆、入面就似焗薯，好似无咁热气。松露炒蛋我地两个系第一次食，觉得普通好味啦，唔太突出。烟三鱼同磨菇都好有质素，磨菇系成碟野当中香味最浓最突出。重点系两只虎虾同个窝夫棒，虎虾好多好多虾膏，好夸张，虾肉又大只又鲜甜，令人啜指回味。穿梭机窝夫棒就继续咁香甜松化，不过食食下觉得争左d乜。。。
原来仲争一份果酱，反正唔够饱，点多一份窝夫棒连一款果酱($38)，㨂左玫瑰果酱，有酱点好味好多。其实食完两个人都未饱得晒，不过人地够钟打烊了，下次都系点番一个扒餐好d，我谂都会几好味既，系贵左小小，成$268一份。
加一后每人$150左右。
最后想讲埋上次食既好野。牛油果烟三文鱼窝夫治($78)，系两块窝夫夹住d饀，可以想像系好清新既口味，当然都系唔够饱既。配菜系wasabi黑醋沙律，意外地好惹味。
仲试左水瓶座既玫瑰梳打，上半截粉红色下半截紫色，杯边有粒星星杨肚，又梦幻又好太空，造型系一绝，味道唔会太甜，有d层次，值得一试。
张贴
