影片
更多
2016-10-23
124 浏览
放工又黎左淘大商場度食甜品，行到半路落起雨來，即刻沖入去甜入心，好好彩仲有兩張枱唔使等位。例排要點椰皇甜品，因為真係太好味了，是晚叫了黑松露雪糕椰皇 （$45），一上枱就聞到黑松露香味，甜食黑松露原來都唔錯喎，雪糕香甜幼滑，椰皇入面有椰汁等打成的啫喱凍，仲有少許椰肉，好清甜，正。另外點左店員推介嘅新出品，綠茶心太軟 （$42），賣相還真單調，就是心太軟配綠茶雪糕。先吃心太軟，一切開即刻爆漿，勁流心！蛋糕咸咸地但好重綠茶味，漿微甜同樣勁綠茶味，綠茶控一定收貨了。心太軟太強烈，搞到個雪糕好似無乜綠茶味咁添，哈哈。最後仲有杯飲品北極光 （$28），總係有人唔點甜品點飲品的，是晚叫了呢杯北極光，真係堅靚，影相出黎無左現場個總效果。用了檸檬汁，果汁，椰果等混成，除左靚仲好好味，勁酸又有口感，鍾意飲酸野嘅我爭住飲，哈。吹吹水，等到雨停了再走，其間不斷有客人進進出出，好旺啊。
例排要點椰皇甜品，因為真係太好味了，是晚叫了黑松露雪糕椰皇 （$45），一上枱就聞到黑松露香味，甜食黑松露原來都唔錯喎，雪糕香甜幼滑，椰皇入面有椰汁等打成的啫喱凍，仲有少許椰肉，好清甜，正。
另外點左店員推介嘅新出品，綠茶心太軟 （$42），賣相還真單調，就是心太軟配綠茶雪糕。
先吃心太軟，一切開即刻爆漿，勁流心！蛋糕咸咸地但好重綠茶味，漿微甜同樣勁綠茶味，綠茶控一定收貨了。心太軟太強烈，搞到個雪糕好似無乜綠茶味咁添，哈哈。
最後仲有杯飲品北極光 （$28），總係有人唔點甜品點飲品的，是晚叫了呢杯北極光，真係堅靚，影相出黎無左現場個總效果。用了檸檬汁，果汁，椰果等混成，除左靚仲好好味，勁酸又有口感，鍾意飲酸野嘅我爭住飲，哈。吹吹水，等到雨停了再走，其間不斷有客人進進出出，好旺啊。
张贴
