夢工房西日料理 (已結業)

今晚我又來到了位於葵芳的夢工房，是重新裝修後第二次的光顧。的確食物質素比裝修前提升了不少，值得我再一次到訪。在眾多款的刺身之中，我獨愛三文魚，而這裡的三文魚又特別出色，切得厚身之餘，油脂又豐富，所以每次來到我都只會點三文魚刺身。另外我每次也必點這𥚃的壽司：火炙三文魚反卷、火炙芝士蝦反卷。這𥚃的炸物也很不錯，尤其是軟骨餃子、單骨雞翼、薯絲蝦、三文魚腩骨以及大蝦天婦羅。薯絲蝦是這間餐廳獨有的菜色，其地地方很少吃得到，主要是用切成條狀的薯絲，包圍著大蝦然後油炸，外表金黃香脆，但卻又能保持大蝦的鮮嫩，炸得恰到好處。食完咁多食物雖然覺得快撐不住，但我都係想試下甜品：朱古力慕絲蛋糕、芝士蛋糕。凍櫃雪條雪糕的選擇繁多。黑糯米雪條，之前係其他餐廳放題都有食過，覺得味道不錯，就好似食紫米露一樣，很有口感，煙煙韌韌。另外亦非常推薦這個焦糖海鹽雪糕，甜味濃郁，但每一口都帶有微微的海鹽鹹味，甜鹹度協調得宜，非常好味！