甜藝家 (已結業)

Tony Wong係香港應該人人都聽過佢既蛋糕,分line sweet boutique de Tony Wong 專賣精緻既甜餅.遠望店內簡單高雅,睇得出所有包裝都有經過精心設計,甜餅都做得十分精緻令人心花怒放.最出名一定係佢地既蝴蝶酥.先係蝴碟酥既盒簡單而高雅.外盒呈淡粉紫色,細看之下盒外印上sweet boutique de Tony Wong既簡寫.盒上外層既紙套營造蝴蝶翅翼既感覺.打開盒,陣陣香甜味撲鼻.內裏蝴蝶酥排得齊齊整整,色澤烤得金黃色十分均匀.由外塗上既糖漿帶光澤到內裏睇得到一層層分明既酥皮層.入口十分鬆化而且脆得黎咬開唔會好鬆散搞到成地都係餅碎.層皮層食得到一層層口感.外層既焦糖唔會好甜,焦糖層外薄薄一層糖粒令甜味同口感更有層次.酥皮既牛油十分香濃,同外層焦糖融和得十分夾.紅莓乾曲奇內裏粒粒莓乾咬落帶點煙韌,帶微微酸甜莓果味.牛油曲奇十分香脆,牛油味唔會過濃膩,淡淡牛油香,真係唔經唔覺就會食晒成包.