影片
更多
2007-03-23
13 浏览
食完和宴, 下一站係上山頂, 都幾遊客感覺.都好幾年無上來了, 變動不少, 全新的凌霄閣係幾高, 電梯係轉了又轉, 有太空山感覺. 行完一輪, 望望幾間新餐廳, 日式中式澳式都好貴, 食評又好一般, 就揀了而度. 因時間尚早, 就先訂了窗口位, 然後等到食飯時間再返來.入坐都叫做係窗口位, 不過未算係最靚景. 我只係整晚用背脊看夜景, 文迪就可以好好的看到風景. 但之後看見其他食客都沒有窗口位, 似乎都要先訂, 都幾搶手.侍應先解釋怎樣叫菜, 唔係眼神攻勢, 而係玩玩那個車牌, 平時不用落單就係走, 落單就轉做停. 即係唔落單就一直走到達陣?走時見到這個車牌係有得賣, $75一個, 嘩!都係叫幾樣專業推介.Mama Blues Southern Fried Shrimp: 7分, $148, 用報紙上, 深炸的鮮蝦配上薯條, 蝦係炸得乾了點, 皮又硬, 但尚算有點鮮味, 不過啤酒味未算太出. 薯條就炸得熱辣辣, 相當香口.這個掛頭牌的食物未算好好, 有點失望. Shrimp Scampi: 8分, $138, 這個傳統美式菜色食過不少遍了, 最記得係芝士餅工廠, 做得很出色. 這裡的都
都好幾年無上來了, 變動不少, 全新的凌霄閣係幾高, 電梯係轉了又轉, 有太空山感覺. 行完一輪, 望望幾間新餐廳, 日式中式澳式都好貴, 食評又好一般, 就揀了而度. 因時間尚早, 就先訂了窗口位, 然後等到食飯時間再返來.
入坐都叫做係窗口位, 不過未算係最靚景. 我只係整晚用背脊看夜景, 文迪就可以好好的看到風景. 但之後看見其他食客都沒有窗口位, 似乎都要先訂, 都幾搶手.
侍應先解釋怎樣叫菜, 唔係眼神攻勢, 而係玩玩那個車牌, 平時不用落單就係走, 落單就轉做停. 即係唔落單就一直走到達陣?
走時見到這個車牌係有得賣, $75一個, 嘩!
都係叫幾樣專業推介.
Mama Blues Southern Fried Shrimp: 7分, $148, 用報紙上, 深炸的鮮蝦配上薯條, 蝦係炸得乾了點, 皮又硬, 但尚算有點鮮味, 不過啤酒味未算太出. 薯條就炸得熱辣辣, 相當香口.
這個掛頭牌的食物未算好好, 有點失望.
Shrimp Scampi: 8分, $138, 這個傳統美式菜色食過不少遍了, 最記得係芝士餅工廠, 做得很出色. 這裡的都做得幾好. 先清理掉一大塊伴碟的蒜茸包, 熱辣辣, 好香. 沒有炸過的蝦肉鮮甜, 比上面的更加吸引. Linguini沾上了檸檬蒜茸牛油汁, 都幾濃. 文迪相當滿意, 但我對味濃的食物都係有點點保留. 就8分.
食完主菜已經幾飽, 但都叫了甜品.
Strawberry Dream: 9分, $58, 相當大份的甜品, 介紹都好大堆頭: Buttery Pound Cake layered with Vanilla Ice Cream, surrounded by Jenny's Special Sauce, and topped with fresh Strawberry Puree and Whipped Cream. 整個甜品係冰冷的, 連碟都係雪凍了. 像東寶的戰鬥碗.
中間的牛油蛋糕冰冷冷的, 幾滑, 沾上了士多啤梨汁同Jenny的獨家汁, 美味. 加上兩大球雲呢拿雪糕同士多啤梨, 汁係甜, 但有雪糕中和下, 不膩.
文迪好早就放棄, 但最後好大碟都給我清了, 至少食了七成. 始終對美式甜品有感情, 我係好喜歡這個甜品. 下次要再來, 就係為了這士多啤梨夢.
食物幾滿意, 服務係相當誠懇有禮, 環境當然係好.
應該係山頂比較平均的一個選擇.
张贴
