鮨夢 (已結業)

呢間朋友介紹，位於灣仔玩具街附近嘅日本料理店主打OMAKASE，不過近期用多左錢，所以就食住LUNCH SET 先，下次先食OMAKASE。銀鱈魚西京燒肉質超滑，絕對係我食過最好食嘅西京燒TOP 3，而茶碗蒸蛋亦都好嫩滑，材料除左蛋之外仲有蟹柳，秋葵，豐富左個口感！而龍蝦沙律鮮味一流，作為前菜實在不俗。壽司九貫分別有深海池魚， 鰤魚，吞拿魚，帶子，三文魚子等多款食材。而全部魚肉肉質都鮮嫩肥美，令我好期待下次有機會黎食OMAKASE。 最後仲有芝麻同綠茶味雪糕，為今餐劃上一個完美嘅句號。