影片
更多
2021-05-03
39 浏览
呢間餐廳自從播出1秒拳王套電影之後，就不時聽到人哋推薦！今日終於可以嚟到試一試！👍🏻炸饅頭用一架木船裝住六件熱辣辣既炸饅頭上台，賣相超級誇張，船頭仲有個諸葛亮企係到，船邊仲會有煙霧緩緩噴出，夠哂氣派。當日炸饅頭真係即叫即製，個皮好脆而且又薄，配搭煉奶呢個經典組合，真係既邪惡但滿足。 👍🏻酸菜魚湯底非常濃味，夠酸，未食之前已經忍唔住飲左半碗湯，魚肉非常之嫩滑，無腥味，仲要一條骨都冇！湯底加咗薑，食落更暖胃。夾到落底發現酸菜魚入面有寬粉(係我既最愛)，寬粉非常彈牙。呢一個酸菜魚實在係必點之選。👍🏻菊花蜜食辣野一定要解下辣，今次就選擇飲冰凍菊花蜜。入口好冰涼，非常之清甜，仲用左一個古色古香的酒壺裝着，我同男朋友好似把酒當歌咁嘆，不停乾杯再乾杯。飲完喉嚨仲好滋潤添。👍🏻 麻辣海蜇辣到好爽亦麻得好痺，不過的確係濃味左同咸左少少。海蜇比一般幼身，但都能保持住爽爽滑滑既口感，作為一個前菜都合格。👍🏻涼拌雞絲粉皮呢個係餐廳既新菜式，麻醬都落得相當重手，不過就相對地比較杰身。粉皮圓圓滑滑，好夠凍而且帶有煙靭既口感。👍🏻豬油渣炒油麥菜屋企好難炒到，雖然明知油膩堅決要叫！食唔停口，豬油渣好有咬口，油麥菜亦炒
👍🏻炸饅頭
用一架木船裝住六件熱辣辣既炸饅頭上台，賣相超級誇張，船頭仲有個諸葛亮企係到，船邊仲會有煙霧緩緩噴出，夠哂氣派。當日炸饅頭真係即叫即製，個皮好脆而且又薄，配搭煉奶呢個經典組合，真係既邪惡但滿足。
👍🏻酸菜魚
湯底非常濃味，夠酸，未食之前已經忍唔住飲左半碗湯，魚肉非常之嫩滑，無腥味，仲要一條骨都冇！湯底加咗薑，食落更暖胃。夾到落底發現酸菜魚入面有寬粉(係我既最愛)，寬粉非常彈牙。呢一個酸菜魚實在係必點之選。
👍🏻菊花蜜
食辣野一定要解下辣，今次就選擇飲冰凍菊花蜜。入口好冰涼，非常之清甜，仲用左一個古色古香的酒壺裝着，我同男朋友好似把酒當歌咁嘆，不停乾杯再乾杯。飲完喉嚨仲好滋潤添。
👍🏻 麻辣海蜇
辣到好爽亦麻得好痺，不過的確係濃味左同咸左少少。海蜇比一般幼身，但都能保持住爽爽滑滑既口感，作為一個前菜都合格。
👍🏻涼拌雞絲粉皮
呢個係餐廳既新菜式，麻醬都落得相當重手，不過就相對地比較杰身。粉皮圓圓滑滑，好夠凍而且帶有煙靭既口感。
👍🏻豬油渣炒油麥菜
屋企好難炒到，雖然明知油膩堅決要叫！食唔停口，豬油渣好有咬口，油麥菜亦炒得爽口。
環境相當闊落，坐得非常舒適！！！
张贴
