Jagger

营业中

休息中

今日喺麼地道附近食lunch，搵到呢間Book Jagger，喺舊K11附近，好容易搵到。餐廳有室外座位，坐得舒服自在。一行二人，叫左個野菌卡邦尼意粉同冬蔭功炸蝦墨魚麵。卡邦尼意粉以為味道較清淡，一食落去，好香口嘅奶油出晒嚟，會吸引你馬上食第二口，呢個適合想食清淡而又好味道嘅食客。另外個炸蝦墨魚麵，個炸蝦甚至好食過一般日本餐廳整出嚟嘅天婦羅炸蝦，因為個炸漿做得啱啱好，咬落去脆卜卜，非常爽口，冬蔭功味又唔會太辣，搭墨魚麵又幾特別，有啲刺激，又有啲清新。餐飲都係好細心的，dirty沖得唔澀，啱啱好中和左個麵辣度，至於flat white上面拉左個天鵝拉花，俾人一種充滿放鬆嘅感覺，顯示到製作嘅用心。價錢方面，性價比係好高，值得推薦再黎！