豐鍋雞煲 (荔枝角道) (已結業)

🔸豐鍋招牌麻辣雞煲半隻 $188🔸頂級安格斯牛小排 $198🔸即炸紫菜響鈴 $42🔸手工即炸魚皮 $53🔸餃餃陣 $92🔸雜菜籃 $75🔸大檸樂 $35🔸烏梅汁 $42-今日同朋友戚起條筋好想食雞煲，就求其入咗間門面見幾大幾靚嘅雞煲專門店。諗住兩個人叫半隻雞煲，再散叫少少配菜就夠，點知上枱睇到半隻雞嘅雞件都好多吓，又大舊！我哋叫咗小辣，所以覺得麻味好突出，覺得下次可以挑戰中辣𠻹啊！🌶🌶雞精講返啲雞先，件件都好有肉，唔會取巧用啲又瘦又細隻嘅雞，所以食完啲雞都飽咗六、七成。仲要讚下呢度嘅服務好好，有店員專人幫你翻炒雞煲、得閒行過會問你駛唔駛加水、又好勤力收枱上嘅吉碟。食完啲雞之後加湯底就打邊爐，安格斯牛小排油脂雪花分佈得好均勻，唔會切得太薄好似食空氣咁，而且有牛味。餃餃陣有四種唔同嘅餃子、雲吞，每款兩粒，啱晒眼闊肚窄嘅我哋。炸魚片好少見地係成塊完整嘅魚皮，好脆好香口。而響鈴都係新鮮即炸，上枱熱辣辣同埋勁脆，好正囉！