川燒 (已結業)

一直都知文英街多餐廳，今次終於有機會同朋友一齊去喇！食串燒唔一定係宵夜，其實當正餐咁食都得，唔覺唔覺都食到好飽。川燒係朋友介紹，一入去地方唔算大，但好在無一陣油煙味，仲有私人包箱，如果有10人左右黎聚會都唔錯。雖然係即點即燒，而且當日都幾多，不過上菜速度唔算慢，通常食完一轉等一陣就有新菜，呢樣令我好滿意。燒大蘑菇，大到要用刀叉食，好似切牛扒咁正！蘑菇味道好濃郁，調味只係一般黑椒同鹽已經好夠，食落多汁又厚肉。呢條係店員推薦的燒魚！睇落唔特別，入口魚味其實唔算突出，不過口感真係好正，滑到好似「sir」入喉嚨咁，而且唔多骨，小朋友都食得，一條夠3-4人食！薄豚肉捲蘆筍，肉味完全滲落蘆筍，食落唔覺得油膩，仲感覺清新。蘆筍好爽口，入口「索索聲」，一個人食哂成碟都無問題！用腐皮盛起溫泉蛋，入口滑溜無腥味，再加埋少少黑松露點綴，重點係燒得外皮香脆，層次極多。粟一燒，原汁原味咁食，粟米肉粒粒飽滿，唔會燒到乾身，正！全晚最愛的燒白鱔，魚皮脆到似薯片，但魚肉又彈牙到似魚蛋，非常厚肉！再加埋燒汁吊味，必食！蟶子皇，比我隻手掌更長，入口鮮味多汁，口感彈牙，可惜有少少被豆豉搶味，大家下次落單記得叫少豆豉。法式棉