福源川香閣

营业中

休息中

午餐嚟到聞名已久既川香閣，3個女仔坐一張6人大枱，非常闊落，未點餐侍應姨姨已經好殷勤甘放低碗湯比我地飲，碗湯足料冇味精，正。午餐牌有分$48,$58,$68，我地分別點紅燒牛腩米線配蒜泥白肉，酸豆角肉碎配白飯，酸菜魚配白飯，三個女仔一齊食。紅燒牛腩米線原來都幾辣，滿口香菜辣辣粒，又麻又辣，蒜泥白肉加左青瓜底，夠青爽，正呀，酸豆角醒胃送飯一流，酸菜魚就係戲肉，魚肉夠滑，湯底仲有用湯煮冧既大頭菜，好好味，仲有芽菜底，值得推介，同事們說下次再試其他菜式。