影片
更多
2021-04-06
53 浏览
有行開廣華街既話, 都應該見過有間叫火水爐既火鍋, 皆因佢個門口好eyecatching, 設計到舊式戲院咁, 沿住樓梯上仲有哂電影海報幾得意。餐廳內籠都一樣有懷舊感, 大排檔式既枱凳, 火水爐砌成既間隔, 帶點麻甩feel~今次揀左牛小排花膠火鍋放題$328/位, 因為可以食齊牛小排, 牛頸脊同埋牛板鍵, 平時出面單點碟牛小排都二百幾蚊, 依個328任食梗係要叫!飲品方面罐裝汽水竹蔗水等等都任飲, 雞煲配汽水一流🥤等緊雞煲黎既時候當然食番個餐前小食炸燒賣同魚蛋先, 香口野實好味, 不過淺嚐好啦因為好戲在後頭🤟🏻招牌麻辣花膠雞煲依個雞煲我夠膽講係我食過咁多個雞煲以黎最足料, 最豐富既一個雞煲! 首先佢有大量既香料好似蒜, 紫洋蔥, 乾蔥, 芫茜依d, 炒埋一碟勁香! 然後仲加左豬皮同埋豆卜, 平時我就唔係幾食豬皮, 但係依個煲既醬汁香濃惹味, 豬皮爽口又索哂d汁, 食到我都追住一件又一件, 簡直係畫龍點睛, 真係要試過先知幾惹味~ 再黎係主角花膠同埋雞, 花膠大大塊兼厚身, 食落無腥味, 雞件有肉地唔會得d骨, 同樣沾滿哂雞煲汁, 辣辣地惹味到不得了~~ 由於依個雞煲豐富又足料, 食完
餐廳內籠都一樣有懷舊感, 大排檔式既枱凳, 火水爐砌成既間隔, 帶點麻甩feel~
今次揀左牛小排花膠火鍋放題$328/位, 因為可以食齊牛小排, 牛頸脊同埋牛板鍵, 平時出面單點碟牛小排都二百幾蚊, 依個328任食梗係要叫!
飲品方面罐裝汽水竹蔗水等等都任飲, 雞煲配汽水一流🥤
等緊雞煲黎既時候當然食番個餐前小食炸燒賣同魚蛋先, 香口野實好味, 不過淺嚐好啦因為好戲在後頭🤟🏻
招牌麻辣花膠雞煲
依個雞煲我夠膽講係我食過咁多個雞煲以黎最足料, 最豐富既一個雞煲! 首先佢有大量既香料好似蒜, 紫洋蔥, 乾蔥, 芫茜依d, 炒埋一碟勁香!
然後仲加左豬皮同埋豆卜, 平時我就唔係幾食豬皮, 但係依個煲既醬汁香濃惹味, 豬皮爽口又索哂d汁, 食到我都追住一件又一件, 簡直係畫龍點睛, 真係要試過先知幾惹味~
再黎係主角花膠同埋雞, 花膠大大塊兼厚身, 食落無腥味, 雞件有肉地唔會得d骨, 同樣沾滿哂雞煲汁, 辣辣地惹味到不得了~~ 由於依個雞煲豐富又足料, 食完都飽左小半🤣
咁上下就加湯打邊爐, 火鍋配料選擇多, 而且佢既丸類都唔係一般貨色, 好似流心芝士丸, 陳皮魚蛋同玉米貢丸依d係出面都係比較少見既。
牛小排 牛頸脊 牛板鍵 黑毛豬
一次過叫4款唔同既肉, 可以見到每塊肉都大大塊而且切得好靚, 唔會散修修, 而且解凍得好, 碟上唔會有一灘灘血水, 感覺更新鮮同衞生。
牛小排油花密佈, 口感最為軟嫩, 牛脂味香! 牛頸脊勝在牛味濃郁, 牛板鍵則較有咬口, 每款都各有突出之處, 但我就中意牛小排有牛香又軟嫩🤤
黑毛豬都唔輸蝕, 香而不酥。
炸魚皮
必點之選, 魚皮夠大塊唔會碎濕濕, 入口香脆, 一食就知新鮮炸起無耐, 唔係擺左好耐硬掘掘個d~~ 浸一浸湯仲正!
最後一round簡單叫左d芫茜, 油墨菜, 紫洋蔥等等, 已經飽到食唔落, 超滿足!
整體黎講無論雞煲, 肉既質素, 火鍋配料都係放題界少有咁高質, 淨係個雞煲都值回票價, 回頭幫襯是常識吧!
张贴
