初嚟報到，問吓有咩好食，伙記見我人少少，於是建議咗以下：
孜然豬串骨、 胡椒豬肚花甲湯 、鬼馬脆油條 、砵仔蒸魚腸。
孜然本身好香，豬仔肉亦都好淋，食落唔錯
不過比較熱氣，呢一味總括嚟講都好惹味， 最好用來餸酒。
胡椒味重， 鹹菜味濃， 花甲十分大隻，味道不過不失 ，對於我哋三個人嚟講，份量可以，不過如果多啲人的話我相信……
係伙記推介嘅菜式，油炸鬼入面讓咗蝦膠，外面炸到卜卜脆， 入面啲蝦炸得啱啱好，好彈牙， 份量都唔小，大推
最後係魚腸，其他地方唔係咁容易食到，相信因為時間同花功夫，所今次專登叫咗一碟。根據夥記講呢個菜式好搶手，有陣時仲要預先訂製。 蒸魚腸係有啲腥， 如果唔係咁食得嘅朋友，可以加啲胡椒粉，但對於我哋嚟講就冇問題，我覺得佢蒸蛋同魚腸部分及比例都拿捏得唔錯
今次人少少只不過試咗幾樣餸，下次一定要搵埋多啲老友試埋其他，睇嚟呢喥仲有好多嘢可以發掘
