發哥粥底海鮮火鍋 (已結業)

今日去咗朋友家聚會， 佢住大圍但竟然帶咗我就去顯徑邨食粥底火鍋。佢話都係最近 先行多咗过去， 原來顯徑邨港鐵站 隔條馬路就係顯徑邨商場。 這個地方可能有十幾廿年都冇嚟過😀。。粥底火鍋就喺商場隔離嗰啲好似冬菇亭地舖， 樓面幾光猛都算闊落， 有火鍋，晚飯小菜一應俱全。粥底火鍋套餐每位計， 只係視乎你揀邊款海鮮， 雞煲或者羊腩煲。 同枱要揀同類套餐。我哋揀咗一個龍蝦一個蟹餐。汽水和每日自家製涼茶则任飲， 另外再有燉湯，前菜， 每日自選海鮮和自选8款火鍋料。先來一碗燉湯 ， 材料好足，有雞腳同響螺粒， 滋補美味。自家製竹蔗茅根， 配火鍋唔錯，生津止喝， 好过飲汽水咁多糖份。還有其他汽水，茶類可供選擇。朋友揀咗冰鎮鮑魚， 好爽口彈牙而且好入味👍先来的白粥底煲咗一陣， 好有米香😋海鮮拼盤上枱喇， 有半隻龍蝦，蟹，海蝦，蟶子，各種蜆， 貴妃蚌等。。睇落好新鮮 唔係瞓咗覺好耐嗰啲，鮑魚仲識喐！其他配料也夠真材實料， 海蝦 生猛，肉質紮實爽口。 自家製 韭菜餃子裏面嘅蝦也很爽口彈牙！ 推介 套餐有一碟牛肩肉，質素唔錯!每天都足二人份量。 花膠和魷魚鬚。 花膠夠厚唔腥， 淥耐少少都冇問題。 魷魚鬚也很爽口