旺角砵蘭街100號地舖
有時候想食到夠鑊氣嘅中菜多數去酒樓，但係朋友介紹下，竟然係本土餐廳🍴食得到大師功架。🥰
餐廳🍴美食種類繁多，琳琅滿目，不論有中菜、火🔥辣、人氣之選、廚師推介、精選推介，甚至韓國🇰🇷菜都有，幾FUSION，多到餐牌都印吾曬，要張貼出黎。😂
大推XO醬鐵板三蔥一口牛（HKD 128): 上菜時熱辣辣，醬汁係鐵板上滾動著，BULUBULU，一口牛懶人必食，濃濃黑椒味，牛味香濃，鎖緊肉汁，軟焾惹味。廚師👨🍳已經計算好鐵板溫度，使其牛柳粒達至七成熟，剛剛好，配上京蔥、青蔥，輕易食曬🤣
乾咖喱墨魚咀 （HKD 88）: 濃厚咖喱緊緊包裹在每舊墨魚咀上，入口椰香濃郁，帶點椰絲🥥做點綴同時增加口感。墨魚咀口感爽脆，下酒又下飯，比較似馬來西亞🇲🇾風味，炸粉不厚，恰到好處，乾咖喱不算辣，連配菜莞茜、青辣椒🌶️、紅蔥都食曬😋
XO醬西芹炒蝦球（HKD 98）: XO醬味香濃，西芹份量好多，蝦球彈牙新鮮，去除蝦腸，乾淨衛生。非常夠鑊氣，好啱食。
總結：
鑊氣十足小菜🍴 價錢合宜
員工熱情招待 餐廳位置方便
朋友聚會好地方
#旺角#砵蘭街#聚好味#夠曬鑊氣喔#大排檔小炒#XO醬鐵板三蔥一口牛#乾咖喱墨魚咀#XO醬西芹炒蝦球
