吞POT 雞煲火鍋.住家菜 (已結業)

平時食雞煲多數都係去啲比較多人既地方食雞煲放題，今次就去左一棟全棟都係食野既大廈食一間既有雞煲又有住家菜既餐廳食一入到去就已經見到好大個魚缸條條魚都好大今次就被安排坐窗邊位，望住夜景食飯窗邊仲有個好似草地咁既位置可以比你放袋落單時問左店員重慶麻辣同香辣雞煲既分別，分別就係重慶有'麻'，香辣冇，我地就決定食有麻既睇下有幾麻辣依家餐廳仲做緊蚊碟雪花肥牛優惠，今次同行三人，就叫左一碟食下落左單店員就會比啲混醬既料比你自己撈雞煲黎到即刻可以食，件件雞都好大件，而且真係好麻好辣，我地只係叫左小辣都要係咁飲野，不過真係好刺激好正呀好彩我地每人都嗌左杯大檸樂同大檸茶，真係好大杯好抵飲！食完雞煲就到打邊爐既時間啦！呢個肥牛雖然只需要一蚊，但質素一啲都唔差，什至比任食雞煲既肥牛仲好！呢個炸魚皮店員話係岩岩炸起叫我地即刻試下，浸左少少湯食都依然卜卜脆，絕對唔會係脆到硬個種，係真係薄薄地超級脆，好快就比我地清哂我地仲嗌左其他野食，娃娃菜同金菇都超抵食因為兩個份量都好多，多到差啲食唔哂，而且仲好新鮮tim！呢到有埋住家菜可以食，下次一定要再黎食埋佢既住家菜