大瀛喜日本料理 (已結業)

又到大時大節，最岩約埋一大班朋友Gathering。因為大家都有鍾意食同唔鍾意食嘅嘢，所以其實最好就去食放題，因為可以食到嘅種類有好多，鍾意食咩就食咩，可以迎合唔同人嘅口味。最唔容易係搵到一個環境夠大嘅場，香港人好耐未出過嚟一齊係聖誕或新年一齊食野，所以今次揀咗位於旺角嘅大瀛喜，因為旺角最方便，大瀛喜環境夠哂大，有過百張枱，算旺角數一數二大既放題場。刺身選擇好多夠晒新鮮，我最鍾意嘅係佢嘅虎蝦同甜蝦，正！佢既炸物好出色，食得一餐嘅係炸鮮奶，依然食到鮮奶嘅味道，唔會過火！天婦羅嘅炸粉唔會話太厚，炸得啱啱好。黑松露吞拿魚壽司整體配搭得好好，算係好出色嘅卷物！比目魚唔會話太大舊，份量啱啱好，魚夠晒新鮮蜆、帶子、鰻魚都好惹味！燒物都好出色，羊架唔會太老，菠蘿夠哂Juicy龍蝦醬多士和芝士開邊蝦都有好多嘅芝士醬，好好味。最後食埋甜品，杯雪糕真係令人回味無窮！